Консепсияи шахсият дар матни публитсистикаи воқеъгаро

Дар мақола масъалаи инъикоси шахсият дар осори воқеагарои (реалистии) публитсистии рўзноманигор ва нависандаи шинохта Ҳилолиён Аскар таҳқиқ ва таҳлил шуда, заминаҳои ҳунарӣ ва касбии ҷустуҷўҳои эҷодии муаллиф мавриди арзёбӣ қарор гирифтааст. Дар мақола , таъкид меравад, ки нависанда барои ошкор сохтани чеҳраи комил ва воқеии шахсиятҳо нахуст фазилатҳои иҷтимоӣ ва маънавии онҳоро нишон дода, сипас бо ёрии таҳқиқ ва таҳлили сотсиологӣ моҳияти фаъолият ва ҳайсияти инсонии онҳоро дар ҷараёни воқеиятҳои иҷтимоиву фарҳангӣ баррасӣ менамояд. Ин тарзи нигориши ў ду паҳлуи фаъолияташро шакл медиҳад, ки яке идроки ҳодисаҳо ва сарнавиштҳои воқеӣ, дигаре мудирияти андешаҳои созанда барои пешрафти имрўзу фардои ҷомеа, новобаста ба замону макон, мебошад. Муаллиф ба хулосае меояд, ки дар тарзи нигориши шахсият низ Ҳ. Аскар равиши хос дошта, шароити мушаххаси зиндагӣ ва амалу кирдори қаҳрамонон бо услуби ҷолиб инъикос ёфтаанд.